Target ng Eye Bank na makipag-ugnayan sa mga kaanak ng namatay lalo na sa mga nasangkot sa matitinding aksidente.

Kukunin ang cornea ng mata ng mga donor, ipe-preserba at ililipat sa mga nangangailangan. Walang babayaran kapag indigent o hikahos sa buhay.

Sa pag-aaral ng Philippine Academy of Ophthalmology noong 2016, halos kalahating milyon ang bilang ng mga indibidwal na may corneal blindness sa bansa. Madalas na sanhi ng corneal blindness ay trauma, impeksyon, congenital o pagkapanganak, at komplikasyon mula sa cataract surgery.

Pinasinayaan ng Presidente at CEO ng Eye Bank Foundation of the Philippines, Dr. Minguita B. Padilla, at ng administrasyon ng PJG ang pagbubukas ng Eye Bank Retrieval Center sa rehiyon.